Уæрæсейы хъæууон-хæдзарадмæ цæстддарды Цæгат-Кавказаг регионалон управленийы специалисттæ нæ бæстæмæ ласын нæ бауагътой, восточная плодоножка кæй хонынц, ахæм зианхæссæг низæй хъæстæ дыргътæ. Уадзæн пункт Уæллаг Ларсы Гуырдзстонæй ардæм æрбаласынмæ хъавыдысты нектаринты 16 тоннæйы. Дыргътæ зианхæссæг низæй хъæстæ кæй уыдысты, уый сбæрæг Уæрæсейы хъæууон-хæдзарадмæ цæстддарды Кæсæг-Балхъары центры.
Уыимæ ма управленийы кусджытæ баурæдтой, чъерамиты 22 тоннæйы. Ластой сæ Сомихæй . Уыдон дæр уыдысты уыцы низæй хъæстæ. Цæмæй восточная плодоножка кæй хонынц, ахæм зианхæссæг низ ма апарахат кæна, уый тыххæй Фæлхасгæнджытæм цæстдарды управленийы фæткæвæрдмæ гæсгæ, ныр Уæрæсемæ хъæстæ дыргътæ ласыны бар нæй. Уымæ гæсгæ дыргъы мыккаг фæстæмæ арвыстой Сомихмæ.
