Цæгат Ирыстоны скъолаты программæ “Хъæууон ахуыргæнæг”-мæ гæсгæ педагогтæн фæзындзæн 19 вакансийы. Ахуыргæнджытæ фæллой кæнынмæ бацæуынц республикæйы чысыл горæттæ æмæ хъæутæм æмæ райсынц иухаттон фиддон 1 милуан сомы.
Ныртæккæ кадртæ цы цæрæн пунктты нæ фаг кæнынц, уыдоны хыгъды сты Беслæн, Сунжæ, Комсомольскæ, Æрыдон, Куырттат, Сухотское, Суадаг, Ног Бæтæхъойыхъæу, Фыййагдон, Виноградное, Цыкола, Сырх Дыгур, Тельманы поселок, Мæздæг æмæ Дигора.
“Хъæууон ахуыргæнæг”-мæ æркасты æвзарæн къæпхæны уæлахиздзаутæ сбæрæг уыдзысты 1-æм июлы. Нацпроект “Фæсивæд æмæ сывæллæттæ” æххæст кæнгæйæ программæйы фæлгæты Цæгат Ирыстоны скъолаты куыст ссардтой 60 ахуыргæнæджы.
