Документалон кинонывты режиссёртæ æмæ æрыгон кинематографистты сфæлдыстадон семинар райдыдта Дзæуджыхæуы. Республикæмæ ссыдысты Цæгат Кавказы федералон зылды кинематографийы къабазы раззагдæр эксперттæ. Уыдон мадзалы архайджытæн радзурдзысты сценарий аразыны къæпхæнты тыххæй. 3 боны дæргъы æвдисдзысты сæ зындгонддæр кинонывтæ. Уый фæстæ та амондзысты лекцитæ æмæ дæсныйадæвдисæн ахуыртæ.
Профессионалон æхсæнады минæвæрттæ æркæсдзысты кæрæдзийы фæрлтæрддзинадмæ. Бынæттон автортæ та равдисдзысты сæ киноныв «Хип-хоп Осетия». Семинары кæронбæттæн арæзт æрцæудзæн сфæлдыстадон изæр, æрымысдзысты дзы, се ‘мкусджытæй чи нал ис, уыдоны. Ахæм мадзæлттæ арæзт цæуынц æгас бæстæйы дæр, Уæрæсейы документалон кинойы ассоциацийы æххуысæй.
