Донæй ифтонггæнæг республикон куыстуаты бæрны бакодтой 39 аварион хъармгæнæн куыстуаты

Республикæйы сæргълæууæг Сергей Меняйлойы уынаффæмæ гæсгæ донæй ифтонггæнæг республикон куыстуаты бæрны бакодтой Дзæуджыхъæуы 39 аварион хъармгæнæн куыстуаты. Сæ фылдæр сты рæвдауæндæтты, скъолаты æмæ поликлиникæты. Специалисттæ баххæст кодтой куыстыты фылдæр хай. Зæгъæм, физиотерапевтон рынчындоны кæрты 100 метры уаццагыл сæвæрдтой ног хъармгæнæн хæтæлтæ. Ныр хъарм дон бæстыхаймæ цæудзæн фылдæр хъомысимæ центрон хъармгæнæнæй. Ахæм куыстытæ ма специалисттæ бакодтой 22-æм рæвдауæндоны кæрты дæр. Фæнд кæнынц социалон нысаниуæг кæмæн ис, уыцы объекттыл се ‘ппæтыл дæр аххæссын.