Скъолайы сæр аразынц хайгай, фæлæ тагъд ӕмӕ хӕрзхъӕд. Уый хъуамӕ дзуапп дӕтта ӕппӕт нырыккон домæнтæн дӕр. Зӕронд уӕлхӕдзар дзӕвгар зындзинӕдтӕ ӕрхаста. Йӕ рӕстӕджы йӕ тагъд-тагъдæй сӕвӕрдтой. Конструкци фӕстаг цалдӕр азы дымгӕ цыппар хатты фехӕлдта. Къӕвдаты рӕстӕджы агъуыст хӕлди мидӕгӕй. Донгӕроны скъолайы ныртӕккӕ кæнынц демонтажы куыстытӕ. Ам баивдзысты ӕппӕт дуӕрттӕ, пъолтӕ, рудзгуыты хай.
Æппӕт коммуникацитӕ дӕр сты æвзæр уавӕры. Директор куыд дзуры, афтӕмӕй хæтæлтæ ӕдзух æмпъызтой, фӕлӕ сын-иу уый бирӕ нӕ феххуыс. Электрон тых дæтæг телтæ къуылымпыдзинæдтимæ кусынц ныр 30 азӕй фылдӕр. Скъола хъыгдард баййӕфта 1992 азы цауты рæстæг.
Коллектив йӕ зӕрдӕ дары разуынд ӕххӕстӕй сног кӕныныл дӕр. Скъолайы уавӕрты тыххӕй фӕсивӕдӕн сӕ фылдӕр æнӕбары цӕуынц Дзӕуджыхъӕумӕ. Фӕлӕ уӕддӕр ам ис сӕдӕ ахуыргӕнинаджы бӕрц. 51 азы дӕргъы фыццаг бындурон цалцӕг райдыдтой нацпроект “Фӕсивӕд ӕмӕ сывӕллӕттӕ”-мæ гӕсгӕ.
Ныртӕккӕ ахуыргӕнинӕгтӕ рӕстӕгмӕ архайынц бынӕттон администрацийы агъуысты. Уым сын хæрзвадат уавæртæ скодтой, кабинеттӕ раивтой кълӕстӕм ӕмӕ сарӕзтой хойраджы блок. Сӕ уарзон скъоламӕ фæсивæд тагъд ӕрбаздӕхдзысты. Куыстытæ æххæстгæнæг зӕрдӕ ӕвӕры ӕмгъуыдӕй раздӕр фӕуын ӕмӕ объект майы раттынӕй.
