Дзанайты Барис архайдта ЦКФЗ-ы Президенты æххæстбарджын минæвары цур координацион советы туризмы райрæзты кусæг къорды æмбырды

Премьер Дзанайты Барис архайдта туризмы райрӕзты кусӕг къорды ӕмбырды. Фембӕлд сарæзта Цæгат Кавказы федералон зылды Президенты ӕххӕстбарджын минӕвары хӕдивӕг Владимир Надыкто. Цӕгат Ирыстоны туристты нымæц рӕзы ӕмӕ 2025-æм азы 1,5 милуан адӕймагӕй фӕфылдӕр сты. Бирӕ уазджытӕ ӕрцӕуы республикӕмӕ хи хӕдтулгӕтыл. Дзанайты Барис куыд бафиппайдта, афтӕмӕй регионы автотуризмӕн алцыдæр ис. Сӕ бон у æрмӕст 6,5 сахатмӕ Дыгуры, Куырттаты ӕмӕ Цъӕйы кӕмттӕ бабӕрӕг кӕнын. 2035-æм азмӕ республикӕйы сфидар кӕндзысты 10 сӕрмагонд автомаршруты, ахӕм балцыты нымӕц та сырӕздзӕн 6 хатты.