Къостайы проспекты хъармгæнæн лӕггад кӕны 50 бирӕфатерон хӕдзарæн. Ныртӕккӕ специалисттӕ кӕнынц профилактикон куыстытӕ. Ам ис 4 аджы 5 ӕмӕ 6 МВт хъомысимæ, рæстæмбис нымадмæ гæсгæ сахатмæ уадзынц 315 кубометры дон. Ныртæккæ кусджытæ сгарынц мидæггаг хæйттæ.
Хъармгæнæн аг бакуыста 12 азы. Уымӕн ис ӕртӕтигъон цикл, афтæмæй у фæстауæрцдæр, зӕгъынц специалисттӕ. Ифтонггарзы уавӕр бӕрӕг кӕнынц ӕппынæдзух. Къуылымпытӕ куы вӕййы, уӕд ӕй арвитынц Доны куыстуаты цалцӕггӕнӕн цехмӕ. Ивгъуыд сезонмæ сног кодтой 25 агрегаты. Хъармгӕнӕн рӕстӕг фӕци майы мӕй. Ныридæгæн иннӕмæ цӕттӕ кӕнын райдыдтой.
Гидравликон фӕлварӕнтӕ уыцы иу рӕстæг цæуынц 8 объекты. Бригӕдтӕ нысангонд ӕрцыдысты алы районы дӕр. Уый фадат ратдзӕн тӕвд дон тагъддӕр сног кӕнынӕн.
Сӕйраг нысан у аваритӕ фӕкъаддӕр кӕнын. Ӕмӕ хъармгӕнӕн сезон ӕнӕ къуылымпыйӕ арвитын. Сӕрды мæйты Доны куыстуат Дзæуджыхъæуы бацӕттӕ кӕндзӕн 118 агдоны ӕмӕ 44 хъармгӕнӕн пункты.
Лидия Цахилова, Лаура Марышева
