Дыгуры районы фæллойгæнджытæ зæрдæ дарынц, ацы аз фæззæджы хъæздыг тыллæг кæй æрæмбырд кæндзысты. Уый канд боныхъæды уавæртæй аразгæ нæу. Стыр ахадындзинад ис, цы техникæйæ кусынц зæхкусджытæ, уымæн. Аграритæн сæ къухы бафтыд ног трактортæ æмæ тæнгъæд хъацæнтæ калæн хæддзу кусæнгæрзтæ самал кæнын. Ныр цы фæсарæйнаг æмæ уæрæсейаг машинæты фæрцы кусдзысты, уыдон раздæры техникæйæ дзæвгар хуыздæр сты.
Нырыккон донмæнтæн дзуапп чи дæтты, уыимæ ма æнæкъуылымпытæй чи кусы, ахæм ног техникæ. Дыгуры районы зæхкусджыты цинæн кæрон нал ис. Фæззæджы сæрмагондæй уалдзыгон куыстыты агъоммæ 4 хъæууон-хæдзарадон куыстуаты самал кодтой нырыккон техникæйы цалдæр хуызы: трактортæ,тауæнтæ æмæ хъацæнтæ калæн хæддзу кусæнгæрзтæ. Уыдонæн сæ куысты хатдзæгтæ зæрдæмæдзæугæ кæй сты, уымæ гæсгæ фермерон хæдзарад «Хадати» -йы зæрдæ дарынц, быдырæй бæркадджын, хъæздыг тыллæг кæй сисдзысты, ууыл.
Ныр Дыгуры районы ахæм алæмæты техникæйы хуызтæй ис 12-америкаг 8 æмæ 3 уæрæсейаг тракторы. Уыдоны хыгъд ма Дыгуры районы хъæууон-хæдзарады минæвæрттæ баисты 3 тæнгъæд хъацæнтæ калæн хæддзу кусæнгæрзты хицæутæ. Ахæм гæнæнты фæрцы ныр фæллойгæнджытæн сæ бон у мыггæгтæ хахгай растдæр байтауын. Уæдæ фидæны хъæздыг тыллæг дæр хъæугæ хъацæнтæй хуыздæр æххæст уыдзæн. Зæххы куыст адджын кæмæн у, уыдоны хъуыдымæ гæсгæ, раздæры хъацæнтимæ абаргæйæ, тæнгъæд хъацæнтæ сты пайдадæр. Уыимæ, ныфс дæттынц фæззæджы хъæздыг тыллæг сисынæн.
Нырыккон техникæимæ фермерон хæдзарады фæллойгæнджытæ уæлдай зæрдиагдæрæй бавнæлдтой сæ уалдзыгон куыстытæм. Сæ къух дзæвгар фæрогдæр. Кæд раздæр иу 100 гектары бакусын уыд сæ бон, уæд ныр та 200 га.
Сæ куыст афтæ сæрæнæй куы цæуа, уæд тауынмæ бавналдзысты ног къуырийы райдиан. Дыгуры районы бæрны ис 16 мин гектары, уыдонæй 14-ыл фидæны апарахат уыдзысты нартхоры талатæ. Сæ хъуыдыйы ма ис картоф æмæ сойæ дæр ныссадзын. Фидарæй сæ уырны, ацы ног техникæимæ фæззæджы сæ удуæлдай куысты фæстиуæг хъæздыг тыллæг кæй суыдзæн, уый.