“Ирыстоны фидæнмæ къахдзæф”. Фæсивæды галуаны хатдзæгтæ скодтой республикон наукон конкурсæн. Арæзт æрцыд 27-æм хатт нацпроект “Фæсивæд æмæ сывæллæттæ”-мæ гæсгæ. Æнæхъæн къуыри дыууæ сæдæ æрыгон иртасæгæй фылдæр æвдыстой сæ проекттæ 14 секци æмæ наукæйы алы здæхтмæ гæсгæ. Куыста “Уæрæсейы фидæны раззагдæрты” скъола дæр. Мæскуыйы Бауманы номыл университет, Уæрæсейы наукæты Академи æмæ Цæгат Кавказы хæххон-металлургон институтæй спикертæ амыдтой лекцитæ, дæсныйадæвдисæг ахуыртæ æмæ консультацитæ. Уæлахиздзауты æмæ призерты схорзæхджын кодтой Кады гæххæттытæй, ахуырад æмæ наукæйы министрады дипломтæй. Мадзаларазджытæ фæнысан кодтой – ацы проект у ахсджиаг фæзуат нæ республикæйы фæсивæды гæнæнтæ раргом кæнынæн.
