Дзæуджыхъæуы фыццæгæм поликлиникæйы сарæзтой профилактикон рейд. Пациентты бартæ чи хъахъхъæны уыцы æхсæнадон организациты Советы уæнгтæ, Уæрæсейы æнæниздзинад хъахъхъæныныны цæстдарæн органы управлениимæ кæсынц медицинон уагдæтты уавæрмæ. Сæрмагондæй сбæлвырд кодтой медикаменттæ цы рæстæджы æмгъуыдмæ бахауынц рынчынтæм, уый.
Антибиотиктæ, æхснырсæджы æмæ æндæр низты ныхмæ хостæ. 1-æм поликлиникæйы фармацевтон къæбицы ис ковид дзæбæх кæнынæн æппæт хъæугæ хостæ. Сæ кæцыдæр хай дарынц уазалгæнæнты иу температурæмæ гæсгæ.
Хостæ ацæуынц «Честный знак» системæ. Маркировкæйы фæрцы фальсификат, контрафакт фæиппæрд вæййынц, уыимæ медикаменттæй дыккаг хатт спайда кæнын фадат дæр нал вæййы. Сæрмагонд бынатæй хостæ дарддæр апарахатт вæййынц поликлиникæйы дæлхайæдтыл. Дарддæр сæ дохтыртæ фæхæццæ кæнынц рынчынтæм. Уæлдай æргом Советы уæнгтæ аздахынц хостæ кæдмæ бахæццæ вæййынц пациенттæм, уый æмгъуыдмæ. Ныхас цæуы амбулаторон йæхи чи дзæбæх кæны, уыдоныл.
Поликлиникæйы аразынц коронавирусы ныхмæ вакцинаци. Рейды архайджытæ æркастысты вакцинæ цы уавæрты хъахъхъæд цæуы, уыцы фæтк домæнтæн дзуапп дæтты æви нæ, уымæ.
Пациентты бартæ чи хъахъхъæны уыцы æхсæнадон организациты Советы уæнгтæ, Уæрæсейы æнæниздзинад хъахъхъæнынмæ цæстдарæн органы управлениимæ медицинон уагдæттæн æрвылбон аразынц мониторинг. Коронавирусæй рынчынты дзæбæх кæнын æмæ профилактикæмæ æппынæдзух каст цæуы.
Мониторингы хатдзæгтæм гæсгæ цы аиппытæ ссарой, уыдон Советы уæнгтæ фæхæццæ кæндзысты прокуратурæмæ. Дарддæр хъусынгæнинагмæ гæсгæ сараздзысты басгæрстытæ.
Брытъиаты Феликс
