Дзæуджыхъæуы 44-æм скъолайы ахуырдзаутæн сарæзтой æхцаимæ раст куыд архайын хъæуы, ахæм урок. Мадзал къухы бафтыд «Россия-страна возможностей», зæгъгæ, æппæтуæрæсеон проекты руаджы.
Фæсивæдæн радзырдтой цы у хи бюдджет, раст æй куыд адих кæнын æмæ дзы спайда кæнын хъæуы, уый тыххæй. Мадзал аразджытæ куыд бафиппайдтой, афтæмæй ацы уроктæ æнæмæнг хъæуы фæсивæдæн аразын. Æрыгон адæмы хъæуы финансон дисциплинæйыл ахуыр кæнын. Ахуыргæнджытæ куыд радзырдтой, афтæмæй нырыккон дуджы сывæллæттæ æнтыстджынæй архайынц æхцайы фæрæзтимæ, уыимæ ма электрон хуызы дæр. Уымæ гæсгæ æрдзырдтой ног гæнæнты тыххæй дæр. Ахæм хуызы уроктæ цæуынц республикæйы алы скъолайы дæр.
