Дзæуджыхъæуы администрацийы сæргълæууæг Фæрниаты Тамерлан бабæрæг кодта скъолаты ахуырдзаутæн хæринаг кæм кæнынц, уыцы комбинат. Федта административон хайæдтæ, скълæдтæ, хæринаг æмæ адджинаг кæнæн цехтæ. Халсартæ дзы дарынц санитарон домæнтæм гæсгæ. Хойрæгтæ ныссæлын сæ кæнынц, æмæ уый фадат дæтты сæ ад æмæ хæрзхъæддзинад бахъахъхъæнынæн.
Фæрниаты Тамерлан арфæйы ныхæстæ ракодта комбинаты кусджытæн. Архайынц нырыккон кусæнгæрзтыл, самал сæ кодтой федералон программæйы фæлгæты. Ныртæккæ комбинат хойрæгтæй дзаг кæны Дæуджыхъæуы 42 скъолайы æмæ 53 рæвдауæндоны.
