Дзæуджыхъæуы 46-æм скъола рамбылдта 500 мин сомæн сертификат

Дзæуджыхъæуы 46-æм скъола рамбылдта 500 мин сомæн сертификат. Иугонд Уæрæсе схорзæхджын кодта “Солдаты Великого Отечества” конкурсы уæлахиздзауты. Архайдтой дзы иумæйаг ахуырады организациты 1 мин 400 музейы бæстæйы 81 регионæй. Федералон къæпхæны равзæрстой 158 музейы, 89 дзы райстой раззагдæр бынæттæ. Нæ республикæйы рамбылдта дыууæ кусæндоны. Фыццаг бынат райста 46-æм скъола. Дыккаг бынаты ис Павлодольская станицæйы скъола, рамбылдта 300 мин сомы. Фæрæзтæ схардз кæндзысты музейты райрæзтыл. Конкурсы сæйраг нысан – патриотон хъомылад æмæ историон рæстдзинады хъахъхъæнынад. Мадзал саразы Иугонд Уæрæсе Рухстауынады, уæлдæр ахуырады æмæ наукæйы министрадтимæ иумæ.