Дзанайты Барис æмæ бæстæйы экономикон райрæзты министры хæдивæг Сергей Назаров видеобастдзинады ‘руаджы æрдзырдтой регионы экономикæйы фарстатыл. Премьер куд фæбæрæг кодта, афтæмæй хицауадæн ахсджиаг у промышленносты райрæзт. Хъæугæ фæзуæттæ регионы бирæ ис. Суанг ма сæм бахъуаджы рæстæг фæндæгтæ скæнæн дæр ис. Къабазы райрæзт Сергей Меняйло æвæры раззагдæр хæсты ‘хсæн, — загъта Дзанайты Барис. Экономикон хъомысæн нысангонд мадзæлттыл премьер профилон ведомствæтæн бабар кодта цыбыр рæстæгмæ бакусын.
