Дзæуджыхъæуы 5-æм гимназы байгом кодтой таможняйы кълас

Таможняйы хъуыддаг ныр ахуыр кæндзысты Дзæуджыхъæуы 5-æм гимназы. Абон дзы кадджын уавæры байгом кодтой фыццаг профилон кълас Цæгат Кавказы. Закъонады бындуртæ, экономикæ æмæ фæсарæйнаг æвзæгтæ. Алы къуыри дæр 10-æм къласы ахуырдзаутæн амондзысты алыхуызон дисциплинæтæ æмæ здæхтытæ. Таможняйы фидæны кусджытæн сараздзысты экскурситæ дæр ныртæккæ кусгæ цы контролон уадзæн пункттæ кæнынц, уыдоны. Скъола куы фæуой, уæд та сын фадат уыдзæн уæлдæр ахуыргæнæндæттæм бацæуынæн æнцондæргонд фæткмæ гæсгæ æмæ уæлæмхасæн балтæ иумæйаг паддзахадон фæлварæны. Проект æххæст кæнынц Таможняйы республикон управленийы разамынды хъуыдымæ гæсгæ. Фæсивæд ард бахордтой хорз кæй ахуыр кæндзысты, уый фæдыл. Специалисттæ куыд зæгъынц, афтæмæй ахæм фадат сывæллæттæн æххуыс уыдзæн фидæны дæсныйад равзарынæн, зæрдæмæдзæугæ хъуыддаг ссарынæн.