Дзæуджыхъæуы бюджеты æфтиæгты бæрц иннæ аз уыдзæн 7,5 млрд сомы. Уый у хæрдзты æмбӕрц. Ацы бæрæггæнæнтæ Горæты минæвæртты 40-æм æмбырды фехъусын кодта Финансон управленийы разамонæг Цохъты Хъазыбег. Йæ ныхæстæм гæсгæ, бюджет, раздæрау, фылдæр нысангонд у социалон фарстатæн. Хæрдзты 60% сты: ахуырад, культурæ, социалон политикæ.
Сæйраг финансон документмæ ацы аз ивддзинæдтæ хаст æрцыд. Бюджеты хардзæй мызд чи исы, уыдонæн æй афæдзы кæронмæ хъуамæ бафидой. Уый тыххæй уæлæмхасæн рахай кодтой 87 млн сомы. Уынаффæты проекттимæ горæты æмбырды депутаттæ сразы сты.
