Дзæуджыхъæуы арæзт цæуы регионты ‘хсæн форум «Молодежь: свобода и ответственность». Архайынц дзы сæрæн æрыгæттæ нæ бæстæйы 20 регионæй.
Æдæппæтæй сты 150 адæймаджы. Се ‘хсæн уæлдæр æмæ астæуккаг ахуыргæнæндæтты студенттæ, æхсæнадон организациты сæргълæууджытæ, æппæтуæрæсеон æркастыты уæлахиздзаутæ. Форумы программæ у хъæздыг. Аразынц дзы ахуырадон проект «Æрыгон политикы скъола», хъуыддагон хъæзтытæ, тренингтæ æмæ викторинæтæ. Мадзалы сæйраг хæс у æрыгон æвзарджытæн сæ бартæ зоныны культурæ фæхъæздыгдæр кæнын. Форумы архайдта республикæйы сæргълæууæг Сергей Меняйло.
