Рагæй кæмæ æнхъæлмæ кастысты, уыцы премьерæ. «Недетские игры» – цымыдисаг цауты тыххæй сериал. 10 сæйраг хъайтары скъолайы иртасынц æмæ райхалынц алыхуызон фарстатæ. Кæм давæджы рабæрæг кæнынц, кæм сæфт дзаума фæагурынц. Æххуыс та сын кæны, раздæр прокуратурæйы чи куыста, ахæм слестгæнæг.
Сæйраг режиссёр Илья Братчикы ныхæстæм гæсгæ сывæллæтты кинойы детектив ист у фæлварæны хуызы. Сценаримæ гæсгæ дзы уыдзæн 8 серийы, алы сери дæр 40 минуты. Дыууæ серийы уал равдыстой, цæттæ кæнынц æртыккаг. «Недетские игры» сериалмæ бакæсæн ис интернеты.
