Культурон нысаниуæг кæмæн, уыцы объекттæн хъæуы историон-культурон иртæст саразын. Фарстайыл æрдзырдтой Парламенты советы. Æдæппæтæй республикæйы ис 1300 ахæм объекты. Экспертизæйы аргъ — 80 млн сомы. Уый бæрц фæрæзтæ комитетмæ нæй. Парламенты сæрдар Тускъаты Таймураз бабар кодта уæлдай культурон нысаниуæг кæмæн ис, ахæм объекттæ рабæрæг кæнын.
Ныхас кодтой ахуырады къабазы цы ивддзинæдтæ ис, ахæм федералон закъонтыл. Депутаттæ рахæцыдысты фæсарæнты уæрæсейаг паспорттимæ цы сывæллæттæ цæры, уыдонæн уæлдæр ахуырад райсынæн баххуыс кæныны закъоны проекты фарс. Уымæй уæлдай, æфсæддон службæ цы абитуриенттæ ацыдысты, уыдон астæуыккаг æмæ уæлдæр ахуырадон уагдонмæ цæугæйæ, райсдзысты уæлæмхасæн баллтæ. Се ‘ргом ма аздæхтой специалиттеты программæмæ гæсгæ наукон куыстуæттæн цы бартæ ис, уыдонмæ.
