Цæгат Ирыстоны гуманитарон æмæ социалон иртасæнты институты ацыд зындгонд ахуыргонд, историон наукæты доктор æмæ профессор Гутъынаты Феликсы мысæн изæр.
Ахуыргондтæ, иртасджытæ, йе ‘мкусджытæ дзы раныхас кодтой, æрымысыдысты йын йæ цардвæндаг, зындгонд куыстытæ. Феликс егъау бавæрæн бахаста Ирыстоны истори иртасыны къабазмæ, у скифтæ æмæ аланты рагон истори, Цæгат Кавказы æхсæнадты социалон къабæзтæ иртасæг. Архайдта Ирыстоны историйы фæдыл зындгонддæр куыстыты.
Гутъынаты Феликсы монографитæ фæндаг ссардтой бирæ чиныгкæсджытæ æмæ истори иртасæг адæмы зæрдæтæм. Профессоры зындгонд чингуыты ’хсæн «Ирон хъæутæ» æмæ «Ирон мыггæгтæ». Уæвгæ æдæппæтæй у 150 зонадон куыстæй фылдæры автор.
