Дзæуджыхъæуы ныссагътой 700 бæласæй фылдæр. Абон ма сыл ноджыдæр бафтыд 70. Æрбынат кодтой Титовы, Ленины, Куйбышевы æмæ Ростовская уынгты. Уымæй уæлдай, фæлындæн зайæгойты нымæц горæты фæфылдæр уыдзæн. Аивгонд æрцæудзæн доны станцæ дæр.
Уым, специалистты ныхæстæм гæсгæ, бæлæсты фылдæр хайæн афæлдæхынæй тæссаг у. Цы бæлас ракалой, уый бæсты сагъд æрцæудзæн дыууæ ног талайы. Уыдзæн дзы каштан, тæгæр, сирень æмæ бæрзытæ. Уæлдай хъусдард цæуы скъолатæ æмæ сывæллæтты рæвдауæндæтты алфæмбылай цъæх фæлыстмæ.
