«Спорт – æрвылбоны царды уаг», зæгъгæ проекты фæлгæты Дзæуджыхъæуы ацыд дæсныйад æвдисæн ахуыртæ сапсерфингæй. Астæуыккаг ахуыргæнæндæтты студенттæн ахуыртæ сарæзта дунейы чемпионкæ Елена Прохорова. Фыццаг уал фæсивæдæн радзырдтой теори æмæ æдасдзинады домæнтæ. Уый фæстæ та сын равдыстой практикон ахуыртæ дæр.
Мадзалы ма архайдтой йе ‘нæниздзинад хъыгдæрд кæмæн у, ахæм фæсивæд. Æппæт спортивон ахуыртæм дæр йæ цæст дардта дохтыр. Специалистты ныхæстæм гæсгæ, ныртæккæ ацы спорты хуыз республикæйы парахат кæны.
