Адæймагӕн йӕ азтӕм ма кӕсгӕйӕ, стæй йе ‘нæниздзинады уавæр нæ хынцгæйæ, царды хъæрзхъæддзинад бæрзонддæр кæнын.
Ацы фарстайæн дзуапп дæттынц зарæггæнджыты къорд “Поющие сердца”-йы уæнгтæ. Сты Дзæуджыхъæуы Ирыстойнаг районы пенсиисджытæ. Концерт равдыстой, санаторий “Сосновая роща”-йы дзæбæхгæнæн мадзæлттæ чи цæуы, уыцы адæмæн. Акодтой Советон дуджы зындгонд æмæ уарзондæр зарджытæ. Зарæггæнджыты къорды ис 15 архайæджы. Уыдонимæ иумæ зарыдысты санаторийы уазджытæ дæр.
Мадзал арæзт æрцыд федералон проект “Активное долголетие”-йы фæлгæты. Ацы къорды уæнгтæ сæ курдиат æвдыстой Цæгат Ирыстоны алы районты дæр, фæллойы министрады бæрны цы куыстуæттæ ис, уым. Уæвгæ, зарæггæнджыты къорд арæзт æрцыд 6 азы размæ Ирыстойнаг районы социалон лæггæдты комплексон центры директор Дзоблаты Альбинæйы хъæппæрисæй. Ныртæккæ та солисттæ сæхи цæттæ кæнынц равдыст-форум “Россия”-йы бацархайынмæ.
