Фыдыбæсты сӕрвӕлтау йæ цард чи радта, уыдоны ном ма ферох кæнын. Ахæм нысанимæ Дзæуджыхъæуы аразынц не ‘мзæххон æфсæддонты номыл мемориалон комплекс.
Арæзт цæуы скæсæйнаг уæлмæрды. Уым сты, сæрмагонд æфсæддон операцийы чи фæмард, уыдоны ингæнтæ. Комплекс саразыны хъæппæрис разынд арæзтадон компанимæ. Æппæт куыстытæ дæр æххæст кæнынц сæхи хардзæй. Уæлдай æргом аздахдзысты территори аивгæнæн хъуыддагмæ. Куыстытæ райдыдтой 2 мæйы размæ, фæуынвæнд сæ кæнынц уалдзæджы.
