Эрмитажы ацыд «Паддзахад Аланийы замантæ сабиты цæстытæй» равдыст. Дзæуджыхъæуы аивадон скъолайы ахуырдзаутæ бацæттæ кодтой нывтæ, куклатæ æмæ хъуыстгонд уацмыстæй скъуыддзæгтæ. Дæсгай куысты нæ Фыдыбæстæйы культурæ æмæ историйы тыххæй. Æххуыс сын кодтой историктæ æмæ педагогтæ.
Рон, зæлдаг кæлмæрзæнтæ, алыхуызон цымыдисаг ӕмӕ аив уæлæдарæс. Иры рагон паддзахады сылгоймаджы фæлгонц снывæзтой Дзæуджыхъæуы сфæлдыстадон скъолайы ахуырдзаутæ. Рауад дæнцæгæн хæссинаг. Хохаг чызг у æгъдауджын æмæ раст хъомылгонд.
Ацы куыстытæ сты æрмæст чысыл хай, Эрмитажы уазджытæ цы куыстытæ федтой, уыдонæй. Паддзахад Аланийы замантæ сабитæ куыд равдыстой, уый сси æцæг æнтыстдзинад. Аивадуарзджытæ стыр аргъ скодтой æрыгон нывгæнджыты æндæр куыстытæн дæр. Сæ фенынмæ раст рады ралæууыдысты.
Цæттæгæнæн куыстытæ цыдысты къорд рæстæг. Экспозици æмбырд кодтой хуыздæр ахуырдзаутæ. Мамиаты Родион куыд радзырдта, афтæмæй фылдæр рæстæг бахардз кодтой нæ фыдæлты культурæ æмæ æгъдæуттæ базоныныл. Дуджы хуыздæр фæзилæнтæ раргом кæнынмæ сæм фæкастысты историктæ æмæ археологтæ — Кавказ иртасджытæ.
Эрмитажы нывтæ равæрын у алы нывгæнæджы бæлицц дæр. Ахæм егъау мадзалы нывкæнынады скъолайы ахуырдзаутæ кæй архайдтой, уый та кады нысан у. Куымæриттаты Даниэль йæ куыстыты равдыста нæ фыдæлты национ традицитæ. Ахæм хуызы сын аргъ кæны.
Сывæллæттæ сæхæдæг хуыздæр куыстыл нымайынц Паддзахы бинойнаджы портрет. „ирон сылгоймаджы фæлгонц дзы ирдæй æвдыст æрцыд. Эрмитажы равдыст сси сæрмагонд программæйы иу хай. Æххæст æй кæнынц ” Паддзахад Аланийы хæзнатæ. Аланийы аргъуыды 1100 азы кадæн” музейты ‘хсæн проекты фæлгæты.
