Хъæдæрмæгимæ раст куыд архайын хъæуы, уыимæ ма хæдзары хъæугæ дзаумæ аразыныл ахуыр кæнын. Ахæм фадат ис Алайнаг гимназы ахуыргæнинæгтæн. Технилогийы ахуыртæ сын бацæттæ кодтой Дзæуджыхъæуы политехникон техникумы бындурыл, скъолатимæ сæрмагонд бадзырдты фæлгæты. Скъоладзаутæ куыд архайынц, уый тыххæй радзурдзæн Дзæдзойты Фатимæ.
Уымæй уæлдай ма ахсджиаг у фæйнæг æмæ хырхыл раст хæцын, цæмæй лыггæнгæйæ нысангонд хаххæй ма ахизай. Æрмæст æппæт амынддзинæдтæ хынцгæйæ рауайдзæн бандон. Сывæллæттæ лæмбынæг кæсынц æмæ хъусынц, сæ ахуыргæнæг куыд архайы æмæ цы дзуры, уымæ. Бирæтæ та сæ ног зонындзинæдтæй хæдзары дæр спайда кæнынц.
Фæйнджытæ фадыны размæ сабитæн радзурынц бæлас æмæ хъæды æппæт миниуджыты тыххæй. Иван Авдеашвили хъæддæсныйады куыст кæны 68 азы. Рæзгæ фæлтæримæ кусын ын хæссы æрмæст удæнцой. Йæ ахуыргæнинæгты фыццаг æнтыстытæ та æвдисы цингæнгæ.
Алайнаг гимназы ахуырдзаутæн технологийы уроктæ Дзæуджыхъæуы Политехникон техникумы бындурыл бацæттæ кодтой скъолатимæ æмгуыстады бадзырдты фæлгæты. Ахуыртæ цæуынц къуыри иу хатт. Ахуырадон уагдоны ис æппæт хъæугæ ифтонггæрзтæ, сæйрагдæр та – хи фæлварыны фадат.
Ахæм бадзыртæ ма арæзт æрцыдысты республикæйы цалдæр скъолаимæ. Ног ахуырадон азæй сывæллæтты фæнд кæнынц ног здæхтытимæ зонгæ кæнын.
