«Ступень к Олимпу», зæгъгæ, æппæтуæрæсеон турнир аивадон гимнастикæйæ цæуы Манежы. 700 спортсмены бæстæйы 20 горæтæй. Æртæ боны сæ арæхстдзинад æвдисдзысты куыд къордты, афтæ индивидуалон программæмӕ гæсгæ. Сæ тыхтæ бафæлвардзысты Донецкы адæмон республикæйæ 14 гимнасткæйы дæр. Ерысты архайын сын у стыр нысан.
Ерыстæ снысан кодтой Аланийы аргъуыды 1100 азы кадæн. Аивадон гимнастикæ регионы парахат у. Фидæнмæ пълæнтты – сывæллæттæн ацы спорты хуызы хи фæлварынæн хорз гæнӕнтæ саразын. Уæлахиздзаутæ æмæ призертæ райсдзысты майдантæ æмæ дипломтæ республикæйы физкультурæ æмæ спорты министрадæй. Аккаг аргъ ма сын скæндзæн регионы аивадон гимнастикæйы федераци. Ерысты кæронбæттæн ацæудзæн 29-æм апрелы.
