«Поделись своим знанием. Открываем новые горизонты», зæгъгæ, æппæтуæрæсеон рухстауыны акцийы бацархайдта Цæгат Ирыстон. 25-æм æй 29-æм апрелмæ республикæйы уæлдæр ахуыргæнæндæттæ æмæ скъолаты ацæудзысты лекцитæ æмæ дæсныйадæвдисæн ахуыртæ. Амондзысты сæ Цæгат Ирыстоны паддзахадон университеты педагогтæ.
Акцийы нысан — фæсивæды базонгæ кæнын историон цаутимæ, ацы зын рæстæг сын фæхай кæнын алы къабæзты райрæзты тыххæй информаци æмæ зонындзинæдтæй. Фыццаг лекци ацыд Финансон университеты Дзæуджыхъæуы филиалы. Студенттæн радзырдтой мæнг хъусынгæнинæгты тыххæй. Уыимæ ма сæ хи бахизæн куыд ис, уый тыххæй дæр.
