Цæгат Ирыстон райсдзæн 12 милуан сомы процентон ставкӕтӕм гӕсгӕ фиддонтӕ баххӕст кӕнынӕн. Промышленносты райрӕзты регионалон фонды иумӕйаг исбонады хӕрдзтӕ та ацы аз схиздзысты 260 млн сомæй фылдӕрмӕ.
Уый тыххæй ныхас цыд хицауады æмбырды. Премьер Дзанайты Барис куыд фæнысан кодта, афтæмæй ныртæккæ къабаз у фæкæсинаг. Федералон центр цы фӕрӕз снысан кодта, уый у хорз хъомыс. Уæ зæрдыл уын æрлæууын кæндзыстæм, промышленносты регионалон фондтæ федералон фондтæй баххæст кæнын бахæс кодта Уæрæсейы президент Владимир Путин. Уый тыххæй бæстæйы хицауад рахай кодта 4,3 мрд сомы.
