Дзæуджыхъæуы 12 скъолайы карантины сæхгæдтой 49 къласы. Ахæм уынаффæ рахастой горæты администрацийы ахуырады управленийы, æхснырсæг æмæ гриппæй рынчынтæ сывæллæтты `хсæн кæй фæфылдæр сты, уый тыххæй.
Низы аххосæй скъолатæм не `рбацыд ахуырдзауты 20% – уый у 1421 сывæллоны. Се ‘хсæн, коронавирус кæмæ рабæрæг, ахæмтæ дæр. Ныртæккæ æхгæд кълæсты ахуыртæ цæуынц дистанцион хуызы. Æртæ къорды сæхгæдтой сывæллæтты рæвдауæндæтты дæр.
