Бæрæгбоны фæдыл мадзæлттæ бацæттæ кодтой Дзæуджыхъæуы сывæллæтты 97-æм рæвдауæндоны дæр. Сæрмагондæй сабитимæ ныхас кодтой ахсджиаг хъуыддæгтыл. Ахуырад æмæ наукæйы министрад, ахуырады кусджыты фæлтæрддзинад уæлдæргæнæн институтимæ иумæ ныр «Ахсджиаг ныхас» проект æххæст кæндзысты скъолайы агъоммæ уагдæтты се ‘ппæты дæр.
Сывæллæттæн радзырдтой мадæлон æвзаджы тыххæй, базонгæ сæ кодтой ирон адæмы традицитæ æмæ культурæимæ. Сабитæ кастысты æмдзæвгæтæ, кафысдысты. Хистæртæ сын бацæттæ кодтой «Чепена», зæгъгæ, национ хъæзтытæ.
