Дзæуджыхъæуы цæуы дыккаг æппæтдунеон поэтикон фестиваль

Дзæуджыхъæуы цæуы дыккаг æппæтдунеон поэтикон фестиваль “Ирон Фæндыр”. Йæ сæйраг нысан ирон литературæ парахат кæнын. Ацы аз æй сбастой Джыккайты Шамилы юбилейимæ. Мадзал райдыдта Ирыстоны адæмон поэты цыртдзæвæныл дидинджытæ сæвæрынæй. Абон ма уыд æмдзæвгæты æмбырдгонд “И скорбь, и ярость, и любовь”-ы презентаци. Ахæм бирæ бæрцæй сæ уырыссаг æвзагмæ фыццаг хатт ратæлмац кодтой. Бæстæйы хуыздæр поэттæ-тæлмацгæнджытæ ууыл куыстой афæдзы дæргъы. Абон уырыссагау кæсæгæн йæ бон уыдзæн драматургы сфæлдыстадимæ базонгæ уæвын, баст ын у йæ адæммæ уарзондзинад æмæ хъысмæтыл катаимæ. Чиныгыл чи бакуыста, уыдоны фæнысан кодтой Кады гæххæттытæй. Мадзаларазджыты ныхасмæ гæсгæ, Ирон фæндыры руаджы кæсджыты зæрдæтæм аразынц хид, ирон поэзи гом кæнынц æгас Уæрæсе æмæ дунейæн. Рауагъдады тираж – дыууæ сæдæ фæндзай экземпляры.