Дзæуджыхъæуы тымбыл стъолы æмбырд сарæзта конфесситы æхсæн клуб Фæсивæдон форум “Хæлар Кавказ”-ы фæлгæты

“Монон æмæ хæрзæгъдаудзинады хæзнатæ бахъахъхъæнын æмæ фæхъæддыхдæр кæнын”. Ахæм сæргондимæ тымбыл стъолы æмбырд сарæзта конфесситы æхсæн клуб фæсивæдон форум “Хæлар Кавказ”-ы фæлгæты. Æмбырды архайдтой пысылмæтты координацион центры æххæстгæнæн комитеты уæнгтæ, сыхаг республикæты пысылмæтты управленитæ æмæ сомихаг аргъуаны минæвæрттæ. Уымæй уæлдай ма дзы уыдысты парламенты депутаттæ, национ политикæ æмæ æддаг бастдзинæдты министрады кусджытæ, адæмты хæлардзинады хæдзар, республикæйы уæлдæр æмæ астæуккаг ахуыргæнæндæтты минæвæрттæ. Æрныхас кодтой, фæлтæрты æхсæн бастдзинад æмæ нырыккон фæсивæды цы фарстатæ тыхсын кæны, уыдоныл. Форум “Хæлар Кавказ” у Цæгат Кавказы пысылмæтты координацион центры проект. Йæ сæйраг нысан у регионы фæсивæды граждайнаг хицæндзинад сфидар кæнын, нацитæ æмæ конфесситы æхсæн ахастдзинæдтæ хъæддых кæнын.