Республикæйы ковид-стационарты ис 874 пациенты. Рынчындæты ис 1 мин 108 бынаты. Уыдонæй 400 сты уæгъд. Уый тыххæй оперативон штабы æмбырды фехъусын кодта Уæрæсейы æнæниздзинад хъахъхъæнынады управленийы регионалон хайады разамонæг Ольга Давыдова. Коронавирусы фæстæ реабилитаци санаторитæ «Ирыстон» æмæ «Нæзы къох»-ы цæуынц 65 адæймаджы.
Æмбырды ма æрдзырдтой сывæллæтты ‘хсæн коронавирусы уавæрыл. Сывæллæтты Республикон клиникон рынчындоны ис 42 пациенты. Уæззау уавæры цы дыууæ сывæллоны уыдысты, уыдон дæр хуыздæр кæнынц. COVID-19 æдæппæтæй рабæрæг 218 сывæллонмæ. Республикæйы хицауады сæрдар Дзанайты Барис куыд фæнысан кодта, афтæмæй кæд ковидимæ баст уавæр регионы фæхуыздæр, уæддæр йæ ныхмæ мадзæлттæ дарддæр æххæст кæнын хъæуы.
