Дзæуджыхъæуы уыд республикæйы сылгоймæгты советы дзуапдӕттӕн-ӕвзарӕн конференци. Мадзалы бацархайдта регионы разамонæг Сергей Меняйло. Ныхас цыд, афæдзы дæргъы цы куыст бакодтой, ууыл.
Уымæй уæлдай, снысан кодтой Советы сæрдары. Ногæй равзæрстой Хабыцты Ларисæйы. Сылгоймæгты змæлды архайдмæ стыр æвæрæн чи бахаста, уыдоны схорзæхджын кодтой майдантæ æмæ кады гæххæттытæй. Æдæппæтæй 9 адæймаджы.
