Дзанайты Барис фембæлд Бакулевы номыл зæрдæйы æмæ дадзинты системæйы хирургийы центры разамонæг Елена Голуховаимæ

24.08.2023 19:29

Æмбырды куыд сбæрæг, афтæмæй Цæгат Ирыстоны ацæудзæн «Зæрдæйы бон».

Республикæйы хицауады сæрдар Дзанайты Барис ма фембæлд Бакулевы номыл зæрдæйы æмæ дадзинты системæйы хирургийы центры разамонæг Елена Голуховаимæ. Æмбырды куыд сбæрæг, афтæмæй Цæгат Ирыстоны ацæудзæн «Зæрдæйы бон». Йæ фæлгæты медицинон æракст райдзысты республикæйы цæрджытæ, се ‘хсæн сывæллæттæ афтæмæй. Консультацитæ уыдзысты районты дæр. Бынаты æмбæлгæ æххуыс бакæнын кæмæн нæ бантыса, уыдоны æрвитдзысты Центрмæ. Уымæй уæлдай ма регионы дохтыртæн сараздзысты наукон-практикон ахуыртæ. Базонгæ сæ кæндзысты зæрдæйы низтæ дзæбæх кæнгæйæ нырыккон техникæтимæ. 2022-æм азы июлы республикæйы дзуапдæттæг министрад æмæ центр бафыстой æмгуыстады бадзырд. Уый руаджы фæссауонмæ консультаци райстой сæдæгай адæм. Æмткæй райсгæйæ регионы фæхуыздæр сты медицинон лæггæдты хæрзхъæддзинад. Иумæйаг куыст дарддæр дæр цæудзæн. Дзанайты Барис ма æмбырды рæстæг фæнысан кодта, республикæйæн кадртæ цæттæ кæныны фарста. Хæстæгдæр рæстæг Бакулевы центрмæ сæ фæлтæрддзинад уæлдæр кæнынмæ регионæй ацæудзæн дохтырты къорд.

Предыдущий материал

Гумманитарон æххуысы иумæйаг центры разамонæг Андиаты Сосланы Сергей Меняйло схорзæхджын кодта “Ирыстоны намысы” майданæй

Следующий материал

Дзанайты Барис регионы доны объектты фарстатыл ныхас кодта Дмитрий Кирилловимæ