Дзуарыхъæуы аив кæнынц Гæздæнты æфсымæрты цыртдзæвæн

Гæздæнты æфсымæрты цыртдзæвæн аив кæнынц. Куыстытæ райдыдтой дыууæ мæйы размæ. Ныридæгæн хæдтулгæтæн æрлæууæн бынаты бетон скодтой. Æхсар æмæ хъæбатырдзинады нысан ныффидар кæндзысты æмæ йæ сахордзысты. Йæ фарсмæ уыдзæн мемориал. Уым сæвæрдзысты 24 плакаты. Уыдонæй 14 уыдзысты Дзуарыхъæуæй рацæуджытӕй Фыдыбæстæйы Стыр хæсты чи архайдта, уыдоны тыххæй. Иннæтæ та – Гæздæнты 7 æфсымæры. Мæхæмæт, Махарбег, Дзæрæхмæт, Хаджысмел, Созрыхъо, Шамиль æмæ Хасанбегæн ма дзы байгом кæнинаг сты уыцы ран бюсттæ дæр. Реконструкцийæн рахай кодтой 11 милуан æмæ 500 мин сомы. Фæуынмæ йæ хъавынц 2024-æм азы майы. Уæ зæрдыл уын æрлæууын кæндзыстæм, Гæздæнты æфсымæрты цыртдзæвæн сæвæрдтой 1963-æм азы. Уый сси Алагиры районы æмæ æгас Цæгат Ирыстоны зындгонддӕр бынæттæй иу.