Экономикæйы къабазы ногдзинæдтыл æмæ конкурентон политикæйы фарстатыл æрдзырдтой абон сæрмагонд æмбырды. Разамынд ын лæвæрдта республикæйы сæргълæууæг Битарты Вячеслав. Цæгат Ирыстоны фæллой æмæ социалон райрæзты министр Хуыбаты Барис радзырда профилон уагдоны куысты хатдзæгты тыххæй.
Йæ ныхæстæм гæсгæ, афтæмæй къуындæг цард чи кæны уыдоны нымæц республикæйы фæкъаддæр 14 процентæй – 7 процентмæ. Фылдæр не`ххæссынц бирæсывæллонджын бинонтæ. Бæлвырддæр та 51%. Республикæйы мадæлты капиталæй радих кæндзысты æхцайы фæрæзтæ 3-аг, кæнæ фылдæр сывæллæттæ кæмæн ис, уыцы бинонæн.
Экономикон рæзты министры хæдивæг Цориты Алетæ Хуыбаты Барисы хатдзæгтимæ сразы ис. Цæгат Ирыстоны мæгуыр адæмы нымæц у 100 мин адæймаджы. Куыд зæгъы, афтæмæй хъæугæ фадæттæ саразын хъæуы инвестицион проектты райрæзтæн. Уыцы хъуыддагæн бюджеты бавæрдтой 500 милуан сомы. Уымæй уæлдай ма, хæхбæсты æппæт уавæртæ дæр ис цæмæй республикæйы туризмы, энергетикæйы æмæ хъæууон хæдзарадыл бакусой. Битарты Вячеслав байхъуыста экономикон советы амалхъом адæмы уæнгтæм.
Сергей Селезневы ныхæстæм гæсгæ нæ республикæйы рæсугъддæр бынæтты нæуæдз % ис хæхбæсты. Фæлæ сæ авналæнтæ цыбыр кæй сты, уый тыххæй туристтæ Цæгат Ирыстонмæ нæ тагъд кæнынц.
