Социалон-экономинок фарстатæ уцæлдай ахсджиаг сты. Ацы æмæ æндæр къабазы рæзтæн нæ республикæйæн ацы аз радих кæндзысты 9 милиарды æмæ 539 милуан сомы дотацитæ. Уый тыххæй фæхъусын кодтой Уæрæсейы Финансты министрад. Хъусынгæнинаг абон апарахат кодтой сæ официалон сайты. Æдыпæттæй уыцы номхыгъды ис 85 регионы, уыдонæй 72 – дотацитæ чи исы, ахæмтæ.
Æмткæй райсгæйæ сын ацы аз радих кæндзысты 675 миллиард сомы. Дотациты хуызы. Уый 30 миллиард сомæй фылдæр у фарон азимæ абаргæйæ. Сæ фылдæр хай хауы Цæгат Кавказы регионтæм. Бæлвырддæр дзургæйæ та афтæ. Уыдонæй уæлдай ма, æппæты фылдæр дотацитæ исынц Цæцæны Республикæ. Ацы аз сын радих кæндзысты 30 миллиард сомæй фылдæр. Стæй, Алтай, Стъарапол, Хъырым æмæ æндæртæ.
Гъер, Цæгат Ирыстон та ацы хыгъды ис 23-æм бынаты. Зæгъын хъæуы уый æмæ уавæр зынгæ нæ аивта. Æнæуи та хицауад архайы ууыл, цæмæй республикæйæн йæ бон æнæ дотацитæй кусын уа, уый. Ахæм хъуыды нæ республикæйы сæргълæууæг Битарты Вячеслав раргом кодта Уæрæсейы президент Владимир Путинимæ фембæлды. Уæд, куыд хъусын кодтой, афтæмæй Цæгат Ирыстоны дотациты нымæц 5 проценты фæкъаддæр æмæ дарддæр дæр ууыл архайдзысты.
Уый нысангонд у 2030-æм азмæ цы рæзты пълан ис, уым дæр. Ныридæгæн, Федералон дотацитæ нæ исынц Мæскуы, Санкт-Петербург, Ханты-Мансийск, Татарстан æмæ æндæр регионтæ. Уæ зæрдыл уын æрлæууын кæндзыстæм, дотацитæ исынц ахæм регионтæ, сæ хæрздтæ, æфтиæгтæй фылдæр кæмæн сты, ахæмтæ. Уыцы æхцайы фæрæзтæ исынц Паддзахадон бюджетæй.
