Экстремизмы ныхмæ

Адæмы бахъахъхъæнын хъæуы терористон къордты архайынæй. Уый тыххæй фехъусын кодта Битарты Вячеслав наркотикты ныхмæ къамисимæ æмбырды. Уæлдай æргом аздæхта республикæйы цæрджытимæ профилактикон куыстмæ. Битарты Вячеслав куыд бафиппайдта, афтæмæй цæрджытæ террористон къордты архайыны хъуыддаг нырма у ахадгæ. Йæ хъуыдымæ гæсгæ, æмгуыстады руаджы ацы хъуыддагыл фæтых уыдзыстæм. Битарты Вячеслав дæнцæгæн æрхаста, Цæгат Ирыстоны цæрджытæ Сиримæ кæй афтыдысты æмæ сæ адзал уым кæй ссардтой, уый. Фæмард сты æмæ уый аххосæй æртæ æнахъом сывæллоны баззадысты æнæ ныййарджытæй. Уымæй уæлдай ма сабитæ бирæ рæстæг лыгъд адæмы лагеры цардысты. Фæстæдæр тыхамæлттæй сæ фыдыуæзæгыл сæмбæлдысты. Профилактикæйы хуызы бынæттон цæрджытимæ арæхдæр æмбæлгæ у. Хъæуы сын æмбарын кæнын, террористон къордтæм куы бахауой, уæд сæм хорзæй кæй ницы `нхъæлмæ кæсы.