Фӕндзӕм гуманитарон ӕххуысы парти ӕрвиты сывӕллӕтты журнал “Ногдзау” хӕстонтӕн сæрмагонд операцийы бынатмæ

Фӕндзӕм гуманитарон ӕххуысы парти ӕрвиты сывӕллӕтты журнал “Ногдзау” хӕстонтӕн сæрмагонд операцийы бынатмæ. Акци “Лӕвар Фыдыбӕстӕ хъахъхъӕнӕгӕн” сӕрмагондӕй арӕзт ӕрцыд, ныртӕккӕ Райгуырӕн бӕстӕйы раз йӕ хӕс чи ӕххӕст кӕны, уыцы ӕфсӕддонтӕн баххуыс кӕныны тыххӕй. Республикӕйы ӕппӕт районтӕ дӕр баиу сты. Зӕрдӕхӕлар хъӕппӕрисы архайдтой скъолатӕ ӕмӕ рӕвдауӕндӕттӕ. Сывӕллӕттӕ ныффыстой фыстæджытæ ӕмӕ бацӕттӕ кодтой нывтӕ, лӕвӕрттӕ та разындысты алыхуызон — цардыуаджы химийӕ уӕлӕдарӕсы онг. Иуӕй-иутæ ӕрбахастой акъоппы цырӕгътӕ ӕмӕ хостӕ. Ӕдӕппӕтӕй акцийы архайдта 200 адӕймаджы онг. Мадзаларазджытӕ — журнал “Ногдзау”, парти “Родина”-йы регионалон хайад ӕмӕ бархионты штаб “РайДай”.