Уæрæсейы фæлхасгæнджытæм цæстдарды управленийы æмæ мидхъуыддæгты министрады кусджытæ Рахизфарсы районы сарæзтой иумæйаг рейд.
Беслæны радон хатт сбæрæг кодтой, шофыртæ эпидемиологон домæнтæ куыд æххæст кæнынц, уый. Рейды архайджытæ федтой, хæдтулгæйы бæлцæтты нымæц æмбæлгæ бæрцæй фылдæр у æви нæ, стæй маскæтæ дарынц уый дæр.
Ахæм рейд ацы бонты ацæудзæн Алагиры районы дæр. Специалистты ныхæстæм гæсгæ, коронавирусы низ республикæйы кæй парахат кæны, уый тыххæй уæлдай æргом здахын хъæуы æнæниздзинады домæнтæ куыд æххæстгонд цæуынц, уымæ.
РЦИ-Аланийы Фæлхасгæнджытæм цæстдарды управленийы хайады разамонæг Хъайтыхъты Верæ: «Æхсæнадон транспорты пайдагæнджытæ æмæ шофыртæ æнæмæнг хъуамæ æххæст кæной маскæтæ дарыны фæтк æмæ социалон дистанци, сæрмагонд домæнтæм гæсгæ, транспортæн бæлццæттæй хъуамæ дзаг уа æрмæстдæр йе `рдæг. Кæройнаг æрлæууæны хæдтулгæ хъæуы дезинфекци кæнын. Алы шофырмæ дæр хъуамæ уа маскæтæ æмæ антисептик».
