Фæллой кæныны æвдисæндарты ног хуызæй пайда кæнын райдыдтой Уæрæсейы. Ныр бæрæггæнæнтæ уыцы иу рæстæг нысангонд цæудзысты нымæцон хуызы дæр.
Дзуапдæттæг министрад ногдзинады тыххæй æппæт амынддзинæдтæ дæр бацæттæ кодта. Уыимæ ма гæххæттын хуызы æвдисæндаримæ кæй фæнды кусын, уыдонæн дæр ахæм бар ис. Сæрмагонд гæххæттыты ивдзинадмæ сæ цæст дардзысты нымæцон райрæзты министрады. Ведомство ма куыстдæттæг компанитӕ ифтонг кæндзæн фæллой кæныны æвдисæндарты ног хуызæй. Бафтаудзыстæм ма уый, æмæ ныр куыст дзæвгар фенцондæр уыдзæн. Фæллой кæныны æвдисæндарӕн фесæфынӕй тас нал уыдзæн – бахæсдзысты йæ электрон базæмæ. Куыстдæттæг компанитæн та сæ бон уыдзæн æппæт бæрæггæнæнтæ пенсион фондмæ æмæ электрон системæмæ дæр бахæссын.
