Дзæуджыхъæуы администрацийы сæргълæууæг Фæрниаты Тамерлан федта «Городская среда», зæгъгæ, проектмæ гæсгæ горæты цы хæдзары кæртытæ банывыл кодтой, уыдон. Йемæ ма уыди администрацийы профилон хайады хицау Хъороты Давид. Арæзтадон куыстытæ куыд сæххæст кодтой, уымæн хаццæгтæ бæрнон кусджытæ скодтой. Калиныны номыл уынджы цы бирæфатерон хæдзар ис уый кæрты цалцæг кæронмæ æрхæццæ. 10 азæй фылдæр æм кæмæг нæ уыд. Ныр, кæрты байтыдтой ног асфальт, сывæллæттæн дзы сарæзтой хъазæн фæз, цæржытæн сифтонг кодтой бадæн бынæттæ æмæ бырондæттæ.
Кæртмæ бауагътой рухс дæр. Ахæм ногдзинæдтæ фæзынд Весеннийы уынджы, уым ног кæртмæ æнхъæлмæ кастысты 4 бирæуæладзигон хæдзары цæрджытæ. Самал сын кодтой хæдтулгæты æрлæууæн бынат. Ацæуæн фæндæгтæ фæуæрæхдæр кодтой, асфаль та раивтой. Фæрниаты Тамерлан куыд бафиппайдта, афтæмæй аразджытæ сæ куыстытæ скодтой куыд æмбæлы, афтæ. Бынæттон цæрджытæ дæр сæ разы сты. Æмткæй райсгæйæ, бирæуæладзыгон хæдзæртты кæртыты цалцæггæнæн куыстытæ кæронмæ фæхæццæ кæнынц. Сæрмагонд проектмæ гæсгæ, ацы аз хъуамæ ма базилон Дзæуджыхъæуы 52 кæртмæ. Администрацийы сæргълæууæджы ныхæстæм гæсгæ, куыстытæ цæуыдзысты иннæ аз дæр.
