Фæскомцæдисон паркы райдыдтой бæлæстæ калын. Бынæттон цæрджытæ бацæттæ кодтой флешмоб, цæмæй бæлæстæ бахъахъхъæной.
Рацыдысты плакаттæ «Фервæзын мæ кæн» лозунгтимæ. Сидынц адæммæ, цæмæй се ‘ргом аздахой, цы бæлæстæ акалинаг сты, уыдоны ‘мбис уæддæр бахъахъхъæной. Æдæппæтæй сты 68.
Уæ зæрдыл уын æрлæууын кæндзыстæм, фæскомцæдисон парк хæстæгдӕр рæстæг фæнд кæнынц рацаразын. Зæронд бæлæсты ӕмбис фæнд кæнынц акалын. Уыцы фæтк цæрджыты зæрдæмæ нæ цæуы.
