Цæгат Ирыстоны райдыдта хæдахуыр дæсныты сфæлдыстадон конкурс «Иры Фарн». Культурæйы кусджытæ та радон хатт сæ куысты бæркæдтæ жюрийы размæ рахастой. Конкурсы архайджыты ‘хсæн куыд районты, афтæ Дзæуджыхъæуы минæвæрттæ дæр. Зæгъын ма хъæуы уый æмæ æркастмæ бахастой ивддзинæдтæ эпидемиологон уавæр хынцгæйæ.
Онлайн хуызы, ацы аз цæуы хæдахуыр дæсныты сфæлдыстадон конкурс «Иры фарн». Фæсивæд видеоæмæджыты руаджы æвдисынц сæ курдиат æмæ арæхстдзинад. Аргъ сын кæнынц жюрийы уæнгтæ. Уыдон хатдзæгтæ кæнынц æмæ æвзарынц хуыздæрты сæрмагонд номинацитæм гæсгæ. Лалыты Хъазыбег куыд зæгъы, афтæмæй уæлдай æргом аздахын хъæуы, хъæбатырты зарджытæ чи кæна, ахæм къордтæм.
Æрвылаз нæ республикæйы курдиатджын фæсивæд сæ арæхстдзинад февдисынц æппæт районты сценæтыл дæр. Уым ацæуынц фестивалы муниципалон къæпхæнтæ. Уый фæстæ, кæронбæттæн хаймæ цы архайджытæ æвзæрст æрцæуынц, уыдон се `сфæлдыстадон хъомыс сфæлтæрынц Фæсивæды республикон галуаны. Фæсивæд сæ арæхстдзинæдтæ равдисынц куыд кафты, зарды, театралон равдыстыты,нывкæнынады,афтæ æрмæдæсныйады дæр.Уыдоны хыгъды ма иу хаттæй иннæ хаттмæ æвзæры уадынгæрзты ансамбль дæр. Дзырдæн зæгъæм, ахæм æрæджы фæзынд Мæздæджы районы. Ацы аз мадзал æххæстгонд цæуы онлайн хуызы.
Ныридæгæн уал жюрийы уæнгтæ бафиппайдтой хорз ивдзинæдтæ. Азæй-азмæ рæдыдтытӕ кӕнынц хъӕздыгдӕр. Æрмæджытæ кæнынц цымыдисагдæр. Бæрæг у районты специалистты хорз куыст.
Æркасты нысан у Ирыстоны аивадон къордты архайд рапарахат кæнын, саразын мадзæлттæ сæ бахъахъхъæнынӕн æмæ дарддæры рæзтæн; культурон æмæ монон традицитæ дывæр кæнын, цæрджытæн фадат раттын сæхи аивады фæлварынæн; хæдахуыр кафджытæ, зарæггæнджыты æмæ сфæлдыстадон къордты арæхстдзинад аивады хуызты сбæлвырд кæнын æмæ бирæнацион традицион культурæ æхсæнады ‘хсæнмæ хæссын; цæстуарзонæй кæрæдзи фæлтæрддзинады æнтыстытыл хи фæлтæрын, хорздзинæдтæ дзы райсын æмæ сæ хъуыддаджы спайда кæнын; кæрæдзи зонын æмæ бастдзинæдтæ фидардæр кæнын.
