Футболон клуб “Алани”-йы акциты кæцыдæр хай радтой Цæгат Ирыстонæн. Бæлвырддæр дзургæйæ 25% æмæ ма уæлæмхасæн 1% клубы нысангонд мулкæй. Документыл сæ къухтæ æрфыстой Сергей Меняйло æмæ “Алани”-йы вице-президент Гуыриаты Данил. Спортивон фарстатæ иуварс кæндзæн тренерты совет футболон клубæй разыйы дзуапп райсгæйæ. Республикæйы сæргълæууæджы ныхæстæм гæсгæ, ацы къæпхæн у ахсджиаг футболон клубмæ спортсменты цæттæ кæныны хъуыддаджы.
Ныхас ма цыд стадион “Спартак”-ы арæзтадыл. Объект эксплуатацимæ хъуамæ радтой фидæны азы 15 маймæ. Арæзтад кæронмæ баххæст кæнынæн республикæйы æппæт уавæртæ дæр ис. Ныридæгæн стадионы кусы 120 адæймаджы. Июлы кæрон — августы райдиан хъуамæ ацæуа фыццаг хъазт. Цалцæггæнинаг у “Алани”-йы базæ дæр. Хаццоны ис клубы хицаумæ. Фæлæ йæ рацарæзтæн хъæуы æхцайы фæрæзтæ.
