Футболон клуб Аланийы тыххæй документалон киноныв равдыстой стыр экраныл. Æвдыст цæуынц республикæйы сæйраг командæйы истори, уæлахизтæ æмæ æнтыстытæ. Кино истой канд Уæрæсейы нæ фæлæ ма фæсарæнты дæр.
Æвзист майданты дыууæ хатты призер 1992 æмæ 1996 азты. Уæрæсейы кубокы финалист 2010 азы. Клубæн ис йæхи чемпионтæ æмæ спортивон скъола. Аланийы истори у хъæздыг рекордтæй. Сæйрагдæр хæрзиуæг та сты дæсгай курдиатджын æмæ ирд футболисттæ. Командæйы 1995 азы сгуыхтдзинад та баззад историйы. Гæззаты Валерийы разамындимæ клуб баурæдта Спартакы уæлахизты сери. Алани сси фыццаг чемпион Уæрæсейы чемпионаты, ӕмӕ уӕд мæскуыйаг «Спартак»-ы разӕй фӕци. Уыцы хъазтмæ цымыдисæй кастысты бæстæйы алы къуымты.
Командæйы сызгъæрин æнус ныр фенæн ис стыр экраныл. Документалон кинонывы æвдысты цæуы, Ирыстоны футбол куыд фæзынд, уый. Алани фыццаг къаздзæфтæ кæнын райдыдта ивгъуыд æнусы 20-æм азты. Уæд уыд хæдахуыр къорд «Юнитас». Кино истой Мæскуыйы, Узбекистаны, Гуырдзыстоны, Испанийы, Швейцарийы, Бразилийы æмæ кæй зæгъын æй хъæуы Ирыстоны.
Съемкæты архайдтой футболуарзджытæн хъуыстгонд нæмттæ. Футболисттæ æмæ тренертæ: Зазройты Игорь, Гæззаты Валерий, Тедеты Бахва, Джиоты Инал, Пагæты Артур æмæ Черчесты Станислав. Документалон киноныв фенынмæ æрбацыд бирӕ адæм.
Зæрдылдарæн мысинæгтæ хъуыды кæнынц Аланийы ныхмæлæуджытæ дæр. Клубы равзæрды бон Аланийæн бындур æвæрджыты хæдзары къулыл Булгаков ныффыста: «Ацы горæты фæзынд футболон клуб, кæцымæ æнхъæлмæ кæсы кадджын фидæн».
