Хъармгæнæн сезон æрлæууыд æмæ цъæх артагæй фылдæр пайда кæнын райдыдтой. Газы службæйы кусджытæ бæрæг кæнынц республикæйы цæрджыты хæдзæрттæ. Кæсынц газы приборты куыстмæ. Уæлдай æргом здахынц æдасдзинадмæ. Сгарынц хæтæлтæ, пецтæ, хъармгæнæн агтæ. Хъæндзинæдтæ куы ссарынц, уæд сæ бынаты аиуварс кæнынц.
Аразинæгтæ хибарæй ма иуварс кæнын – уый курæг сты пайдагæнджытæй. Уый цардæн тæссаг у. Куыстытæ хъуамæ бакæной дæснытæ. Иу ахсджиаг хъуыддаг ма хъармгæнæн гæрзтæ раст скусын кæнын. Арæх цæрджытæ фæхонынц хицæн специалистты. Уæ зæрдыл уын æрлæууын кæндзыстæм, Газпром Уæрæсейы у иунæг гæзæй æххæстгæнæг оператор. Компанийы специалисттæ æппынæдзух уæлдæр кæнынц сæ фæлтæрддзинад, уый тыххæй сæрмагонд центрты ацæуынц ахуыртæ.
Кусæнгæртæм æппынæдзух кæсын хъæуы. Афæдзы дæргъы специалисттæ бабæрæг кæнынц бирæуæладзыгон хæдзæрттæ. Закъонмæ гæсгæ алы пайдагæнæг дæр хъуамæ бафысса техникон лæггæдты фæдыл бадзырд.
Техникон лæггæдты фæдыл бадзырд фыст куы нæ æрцæуа, уæд уыцы хæдзæрттæм газ сæхгæндзысты. Уымæн æмæ сты фыдбылызæй тæссаг. Специалисттæ сидынц домæнтæ æнæмæнг æххæст кæнынмæ. Æрмæст афтæмæй ис æвæстиаты цауæй бахизæн.
