Уæгъдибар хъæбысхæстæй Уæрæсейы чемпионатæн хатдзæгтæ скодтой сæрмагонд æмбырды Хуадонты Артуры разамындæй. Дыууæ æвзсит майданы, фондз бронзæ æмæ 30 азмæ фыццаг хатт иу сызгъæрин дæр нæ.
Дзуапдæттæг ведомствойы разамонæджы ныхасмæ гæсгæ, фыццаджыдæр, спортсменты цæттæгæнæн системæ раст арæзт нæу, уый та у тренерты аххос. Ныртæккæ регионы сты 340. Æрыгон специалисттæн хъæуы æххуыс кæнын, кусын кæй нæ фæнды, уыдоны та арвитын сæ бынæттæй. Сараздзысты сын аттестаци æмæ æркæсдзысты, цы хатдзæгтæ равдыстой, уымæ. Социалон хызæгты апарахат хъусынгæнинаг, зæгъæ, æвзæр уавæр сæвзæрд æмбæлгæ уавæртæ кæй нæй, уый тыххæй.
Хуадонты Артур куыд фæнысан кодта, афтæмæй республикæйы кусынц Андиаты Сосланы номыл Олимпаг резервы скъола æмæ Сапицкийы ‘рдыгæй базæ. Расидынц æмбырдтæ. Ацы аз радих кодтой 12 милуан сомы, бахардз та кодтой 15 æнæбюджетон фæрæзты фæрцы. Уæ зæрдыл уын æрлæууын кæндзыстæм, уæгъдибар хъæбысхæстæй Уæрæсейы чемпионат ацыд Мæскуыйы.
Æвзист призертæ дзы систы Найфонты Артур, Наниты Славик. Бронзæ майдантæ рамбылдтой Джамбулат Кизинов, Куыдзойты Алан, Багаты Арслан, Соттиты Аслæнбег æмæ Дзæгъиаты Сослан.
